அஸ்வின்ஸ்

2000 அல்லது 2001னு நினைக்கிறேன். AXN சேனல்ல பல வாராந்திர சீரிஸ்கள் பட்டையை கிளப்பரதுண்டு. 'சில்க் ஸ்டாக்கிங்ஸ்' ஞாபகம் வந்துச்சுனா வாழ்த்துக்கள். பட். விஷயம் அது இல்ல. 'மோஸ்ட் ஹண்டட் பிளேசஸ் இன் த வெர்ல்டு' அப்டினு ஒரு தொடர் வந்துச்சு. வெர்ல்டுல இருக்குற பேமசான பேய் இருக்குற இடத்துக்கு போய் அந்த இடங்களை வீடியோ புட்டேஜ் எடுத்துட்டு கொஞ்சம்  திகிலா ப்ரெசென்ட் பண்ணுவாங்க. பல இடங்கள் போங்கா தெரிஞ்சாலும் சில இடங்கள் அல்லு கிளப்பும். அதுல பார்த்த ஒரு எபிசோட் மறக்க முடியாது. 

எந்த சிட்டின்னு ஞாபகம் இல்ல. ஆனா ஒரு சுரங்கம். அந்த சுரங்கத்துல பேய் இருக்குறதாவும் பல நேரங்கள்ல அழுகுற சத்தம் கேக்குதுன்னும் அங்க யாரும் ஒரு லெவலுக்கு மேல உள்ள போனது இல்லனும் சொல்றாங்க. போர் சமயத்துல அதுல பதுங்கியிருந்த பல வீரர்கள் இறந்துட்டதா சொன்னாங்க. நம்ம டீம் அந்த சுரங்கத்துக்குள்ள இறங்குறாங்க. சத்தியமா சொல்றேன். claustrophobic இருக்குறவங்க யாரும் அந்த இடத்துக்குள்ள நிக்க முடியாது. அவ்ளோ ஒடுக்கமா இருக்கும். பாக்கும்போதே மூச்சு முட்டும்னா பாத்துக்கோங்க. அவ்ளோ ஒடிசலான சுரங்கம்; கொஞ்ச நஞ்சமில்ல, கிட்டத்தட்ட மூணு நாலு கிலோமீட்டர் நீண்டு இருக்குது. நம்ம டீம் கேமராவோட உள்ளே போறாங்க. கும்மிருட்டு. கேமராவோட லைட்ஸ் மட்டும்தான் அங்க இருக்குற வெளிச்சம். ஒரு சில இடங்கள்ல எலும்புக்கூடு கிடைக்குது. அதெல்லாம் தாண்டி ரொம்ப தூரம் உள்ள போனா ஒரு கேமரா கிடைக்குது. அத நம்ம டீம் ரெகவர் பண்ணிட்டு வெளிய கொண்டு வராங்க. இருக்குற வீடியோவை ஓட்டிப்பாத்தா யாரோ அமேட்சுரான ஒரு பையன் இதுக்கு முன்னாடி அந்த சுரங்கத்துக்குள்ள இறங்கி பாத்துருக்கான். அவன் அந்த ஹேண்ட் ஹெல்ட் கேமராவை வச்சிக்கிட்டு ஒவ்வொரு இடமா விளக்கிட்டே போறான். நம்ம டீம் இந்த கேமராவை கண்டு பிடிச்ச இடத்துக்கு வந்துருக்கான். கேமராவை சுத்திட்டே வீடியோ கவரேஜ் பண்ணிக்கிட்டு பாத்தா தூரத்துல ஒரு உருவம் சட்டுனு தெரியுது. திரும்பவும் கேமெராவை அந்த இடத்துக்கு போகஸ் பண்ணி பாத்தா ரொம்ப வேகமா வந்து அந்த உருவம் இவன் மேல பாயுது. கேமரா கீழ விழுது. அதுவரைக்கும் தான் அந்த வீடியோ ரெகார்ட் ஆகியிருக்கு. என்னால சரியா சொல்ல முடிஞ்சுதான்னு தெரில. ஆனா அந்த வீடியோ பாத்ததுக்கப்புறம் ஒரு வாரத்துக்கு தூக்கம் இல்ல. அவ்வளோ டெரர்ரா இருந்துச்சு. 

இன்னொரு படமும் இருக்கு. 'The Blair witch project' அப்டினு. நாலு பேர் இதே மாதிரி கையடக்க கேமராவை வச்சிக்கிட்டு ஒரு காட்டுக்குள்ள தனியா போவாங்க. அதுவும் ஹான்டட் பிளேஸ் தான். ஹேண்ட் ஹெல்ட் கேமரா சினிமாவுக்கு இந்த படம் ஒரு பெரிய ஓப்பனிங் கொடுத்துச்சு. படத்துல நாலு பேரும் செத்துடுவாங்க. எண்ட் க்ரெடிட்ல ஒரு ஸ்டேட்மென்ட் போடுவாங்க பாருங்க. 'இந்த கேமராவை ஒரு காட்டுல கண்டெடுத்தோம். உள்ளது உள்ளபடி காமிச்சிருக்கோம்னு' படிக்கும்போது முதுகுத்தண்டுல சில்லுனு ஏறும்.

'அஸ்வின்ஸ்' அப்டின்னு பேர போட்டுட்டு என்னன்னவோ சொல்றான்னு நினைக்காதீங்க. இந்த படத்துலயும் முத ஷாட்லேந்து பட்டய கிளப்பிருப்பங்க. ஹேண்ட் ஹெல்ட் கேமரா தான். அஞ்சு பேரு. ஒரு பாழடைஞ்சு பங்களா. கும்மிருட்டு. கேமரா வெளிச்சம் மட்டும்தான். கரண்ட் கிடையாது. கிட்டத்தட்ட நாப்பது நிமிஷம் அலற விட்ருப்பாங்க. பொதுவா ஹீரோ என்ட்ரிக்கப்புறம் படம் படபடன்னு போகணும். ஆனா திக்கு திசை தெரியாம ஹீரோ சுத்துறாப்புல. நாமளும் அவர் கூட சேர்ந்து காதல் பட க்ளைமாக்ஸ் பரத் மாதிரி 'ஙே, ஙே' னு சுத்துறோம். என்ன தான் ஆக்ட்டிங், லொகேஷன், BGM, கேமரா அப்டினு எல்லாமே செட் ஆனாலும் எடுபடல. 

அல்டிமேட் first half. அது எப்படி first half மட்டும் நல்லாருக்கலாம் அப்டினு நினைச்சு படு பயங்கரமா சொதப்பி வச்சிருக்கிற second half. அவ்ளோதான் படம். வேற ஒண்ணும் சொல்றதுக்கு இல்ல.