வெரி சாரி. வேற வழி தெரில. இந்த கொடுமையை நான் எங்க போய் சொல்றது?
முத்தையா படம் இது வரைக்கும் பாத்தது இல்ல. அந்த முடிவு சரிதான்னு காதர பாத்தப்புறம் தான் புரிஞ்சது.
'ஜான் விக்' படம் மாதிரி ஹீரோ எதிர்த்தாப்புல யாரு வந்தாலும் வெட்டிகிட்டே போறாரு. எந்த அளவுக்கு டெர்ரருனா இந்த ஒரு சீன் பாத்தா போதும். ஆர்யாவை தேடி சித்தி இதானி ஜெயிலுக்கு போறாப்பில. மதுரை ஜெயில் போனா அங்க ஒருத்தன் கைய ஒடச்சிட்டானு திருச்சிக்கு மாத்திட்டாங்களாம். திருச்சி போனா அங்க ஒருத்தன் கால ஒடச்சிட்டானு வேலூருக்கு மாத்திட்டாங்களாம். வேலூர் போனா அங்க ஒருத்தன் மண்டைய ஒடச்சிட்டானு பாளையங்கோட்டை மாத்திட்டாங்களாம். அங்க போனா அவன் யாரையோ குத்திட்டான்னு சிறுவர் சீர்திருத்தப்பள்ளிக்கு மாத்திட்டாங்களாம். எப்பிடி? தலை சுத்துதா? இதுக்கே இப்டினா? இதான் ஹீரோ என்ட்ரி.
கதைனு ஒன்னு இருக்கணும்ல. அத எங்கேந்து எடுத்துருக்காங்கனு பாத்தா இடியாப்பம் இருக்குல்ல அதுக்கு உள்ளேந்து தேடி கண்டுபிடிச்சி எடுத்திருக்காங்க. கதை அப்டி ஒரு குளறுபடி. வில்லனுங்க எப்ப பாத்தாலும் ஒரு வெறியா இருக்கிறானுங்க. அதுக்கு மேல நம்ம ஆரியா. யாரு எதுத்தாப்புல வந்தாலும் ஒக்கே அடி தான்.
சன் டிவில ப்ரைம் டைம் ஓடுற சீரியல் எந்த அளவுக்கு நாராசமா இருக்கோ அதுக்கு போட்டியா படத்துல கேரக்டர்லான் திரியுதுங்க. ஆறாப்பு படிக்குறதெல்லாம் ஓங்கி அறையுது. ஒரு வழியா சித்தி இதானிய கல்யாணம் பண்ணி செட்டில் ஆகுறாப்புல. சரி. இனிமேல் வெட்டு குத்து இருக்காதோன்னு நினைச்சா ஒரு கிணத்துல பாம் வச்சி அந்த புள்ளைய கொன்னுட்டாய்ங்க. இந்தா ஆரம்பிச்சிட்டாருல்ல. உடனே பிரபு, 'அவங்க பக்கம் ஒரு பய இருக்க பிடாது. எல்லாரையும் வெட்டி சாச்சிட்டு வா'னு வீரத்திலகம் இட்டு அனுப்புறாரு. பக்ரீத் பிரியாணிக்கு போற பிரண்ட் மாதிரி ஆர்யாவும் குஷியா போய்ட்டு ஒரு இருபது முப்பது பேர வெட்டி சாய்க்கிறாரு. 'முத்தையா அண்ணே, அந்த சின்ன புள்ளைங்க அனாதையாகுமே. அப்புறம் இந்த ஆர்யா திரும்பவும் ஜெயிலுக்கு போவாரே?' அப்டினு நம்ம கேட்டோம்னா, 'கிடக்கிறது கிடக்கட்டும் கிழவியை தூக்கி திண்ணையில வைங்கிற மாதிரி எல்லாரையும் வெட்டிட்டு ஸ்லோமோஷனல ஆர்யா நடந்து வரும்போது 'எ பிலிம் பை முத்தையா'னு போடுறாப்புல.
படத்துல ஒரே ஆறுதல். தயாரிப்பாளருக்கு ஹீரோ காஸ்ட்யூம் செலவு கம்மி. ஒரு கருப்பு கலர் டைட்டான அரை டிராயர் தான் ஹீரோவோட காஸ்ட்யூம். கிளாமர் எலிமென்டாம்
அடேய்!!! நானா உன்ன படம் பாக்க கூப்பிட்டேன்னு கேக்குற மாதிரி படத்தை எடுத்து வச்சிருக்காங்க.
படத்த பார்த்த இந்த பாவியை மன்னியும் பிதாவே.
கருத்துகள் இல்லை:
கருத்துரையிடுக