ஒருவழியாக முடிவுக்கு வந்திருக்கிறது.
2016இல் முதல் சீசன். அதன் பின் 2017, 2019, 2022 மற்றும் 2025 வரை தொடர்கள் வெளியாயின. ஒரு படம் என்றால் அதிகபட்சம் 2.30 மணி நேரம். அதைத்தாண்டி தொடர்ந்தாற் போல binge வாட்சிங் செய்ததில்லை. ஸ்ட்ரேஞ்சர் திங்ஸ் அதனை உடைத்தெறிந்தது. முதல் சீஸனின் முதல் எபிசோடே நம்மை இழுத்து பிடித்து உட்காரவைத்துவிடும். பின்னே ஆறு ஏழு குழந்தைகள், காட்டிற்குள் அவர்களின் சாகசப் பயணம், அங்கே ஒரு ஸ்ட்ரேஞ்சர், அதன் பின் அவர்கள் துப்பறிவது என எழுந்து போகவே மனமில்லாமல் அமர்ந்திருப்போம். நம்மை ஹாக்கின்ஸ் நகரத்தின் பிரஜை போல உணரவைத்திருப்பார்கள்.
நீங்கள் மனதளவில் பலவீனமராக இருந்தால் வெக்னா போன்ற மனிதர்களால் கட்டுப்படுத்தப்படுவீர்கள் என்ற தத்துவத்தை புரிந்து கொள்ள முடியும். தீம் ம்யூசிக். ஒரு வகையான நாஸ்டால்ஜியா எபெக்ட் கொடுக்கிறது. ஹாக்கின்ஸ் சிட்டி என்று ஒரு நகரத்தையே ஷூட்டிங் பொருட்டு உருவாக்கியிருக்கிறார்கள். 1980 கட்டிடங்கள், கார்கள், ஸ்கூல், ஆடைகள், வெண்டிங் மெஷின்ஸ், மால், லேப், லேண்ட்லைன் போன்கள், சைக்கிள், விளையாடும் பொம்மைகள் என ஒவ்வொன்றையும் பார்த்து பார்த்து வடிவமைத்திருக்கின்றனர். அனைத்து சீசனில் உள்ள எபிசோட்களையும் சேர்த்தல் கிட்டத்தட்ட 45 மணி நேரம் ஓடுகிறது. இரண்டு முழு நாட்கள். மிக சீரியஸாக செல்லும் கதையை சற்றே லகுவாக்க டஸ்டின் மற்றும் லூகாஸின் பாத்திரப்படைப்பு மிகவும் உதவியிருக்கிறது. என்னதான் டஸ்டின் மற்றும் லுகாஸ் ஜாலியாகப் பேசி சிரிப்பை வரவழைத்தலும் அவர்கள் இருவரின் யோசனைப்படிதான் வெக்னாவை அழித்து ஹாக்கின்ஸை மீட்பார்கள். இன்றும் அந்த முதல் சீசனை வீட்டின் புறவாசல், மாடி, படுக்கை அறை, ஹால், முன்வாசல் என எல்லா இடங்களிலும் அமர்ந்து binge வாட்ச் செய்தது ஞாபகம் இருக்கிறது.
என்ன ஒரே வருத்தம் என்றால் சீசன் 5 பார்த்து முடிக்கும் அதே நேரத்தில் நமக்கும் பத்து வயது கூடியிருக்கிறது என்பதை நினைத்து பார்க்கும் பொழுது தான் கொஞ்சம் பக்கென்றிருக்கிறது.
#strangerthings
கருத்துகள் இல்லை:
கருத்துரையிடுக