சர்வம் மாயா - Hotstar OTT
பீல் குட் மூவி கேட்டகிரியில் சேட்டன்மார்களை அடித்துக்கொள்ளவே முடியாது. வந்து பார் என்கிறார்கள். பூஜையின் மீது இருந்த கவனத்தால், மாரடைப்பில் உதவிக்குத் துடித்த அம்மாவை இழந்து விடுகிறார் நிவின் பாலி. மேற்கொண்டு நடக்கும் சடங்கில் வளர்ப்பு நாய் அருகிலே வர, அப்பா இவரை திட்டி வெளியே அனுப்பிவிடுகிறார். அவர் மேல் உள்ள வெறுப்பின் காரணமாக பூணூலை அறுத்தெறிந்துவிட்டு கிடார் வாசிக்கச் சென்றுவிடுகிறார். சில வருடங்களுக்குப் பிறகு வீட்டிற்குத் திரும்பும் நிவின், மீண்டும் பூஜை செய்ய ஆரம்பிக்கிறார். பேயோட்டுவதற்கு அழைப்பு வருகிறது. பூஜை வெற்றிகரமாக முடிந்தாலும் பேய் இவருடன் ஒட்டிக்கொள்கிறது. அதன் பின், நடக்கும் களேபரமே சர்வம் மாயா. முதல் பாதியில் ஒரு காமெடி படமாக நகர்ந்தாலும், இரண்டாம் பாதியில் ரொமான்ஸ் மற்றும் இறுதியில் எமோஷனல் என வேறு பரிமாணங்களைத் தொட்டுச் செல்கிறது.
அஜூ வர்கீஸ், பார்த்தாலே கிச்சு கிச்சு மூட்டுகிறார். 'பீடி வலிக்குமோ' வசனம் ஒரு சாம்பிள். அவருக்கென ஒரு தனி தீம் மியூசிக். வீணை மட்டுமே வைத்து வெவ்வேறு எமோஷன்களை கடத்தியிருக்கிறார் ஜஸ்டின் பிரபாகரன்.
சந்தேகமே இல்லாமல் படத்தின் அட்ராக்ஷன், டெலுலு கதாபாத்திரம் மற்றும் அதற்கு உயிர் கொடுத்திருக்கும் ரியா ஷிபு தான். மாயா கதாபாத்திரத்தின் முடிவை ரசிகர்களிடம் விட்டது ஜீனியஸ் மூவ். வீக்கெண்டில் பார்பதற்கான ஒரு க்ளீன் பேமிலி மூவி.
#sarvammaaya #thameenfilms #riyashibu #nivinpauly #AjuVarghese
கருத்துகள் இல்லை:
கருத்துரையிடுக