மூத்திரத்துக்கு முட்டுச்சந்து மாதிரி அது என்ன கேங்ஸ்டர் படம்னாலே மும்பைக்கு டெல்லிக்கு ஓட வேண்டிது. அதுவும் இடைக்கிடைல ஹிந்தி டைலாக் அதுக்கு சப்டைட்டில் வேற. சரி மன்னிச்சு.
நல்ல கேஸ்டிங், நல்ல மியூசிக், எடிட்டிங், மேக்கப், நடிப்பு, ஃபைட், ஒளிப்பதிவு அப்டினு எல்லாம் இருந்தாலும் அந்த கதை எங்க? கதை. கதை. இஷ்டத்துக்கு எழுதிருக்கானுங்க.
மணிரத்னத்துக்கு நல்ல வர்ற ஒரு ஏரியானா அது லவ் ஸ்டோரீஸ் தான். அதுல இறங்கி அடிக்கிறத விட்டுட்டு இந்த கேங்ஸ்டர்லாம் எதுக்கு. எப்படி இதுக்குலாம் ஒரு ஸ்டோரி டிஸ்கசன்னு ஒன்னு நடத்துனாங்க. ஆடியன்ஸ் பாவம்னு AD ஒருத்தன் கூடவா சொல்லமாட்டான். பெரிய இயக்குனரு மேஜிக் பண்ணுவாருனு நினைச்சானுங்களோ என்னமோ.
இப்போல்லாம் அறிமுக இயங்குனருங்க பல பேரு நல்ல கதை எழுதி பட்ஜட்க்குள்ள அருமையா படம் எடுத்துடுறாங்க. வெகு ஜனமும் ரசிக்குது. ஹிட் ஆகுது. ஓடுது. இந்த தக் லைப் படம் எந்த மாதிரி ஆடியன்ஸுக்கு பிடிக்கும்னு தெரில.
த்ரிஷாவை அப்பன் வச்சிருக்கான். அவன்கிட்டேந்து பையன் அவளை ஆட்டைய போடுறான். 'நான் பொறந்திருக்கவே கூடாதுன்னு' த்ரிஷாக்கு ஒரு டயலாக் வரும். சொல்லப்போனா அந்த படத்துல நடிச்சிருக்கவே கூடாது. அவ்ளோ பங்கம்.
சிக்கா சிக்குன்னு ஒரு பாட்டு கேக்குற மாதிரி இருக்கேன்னு நினைக்கும்போதே நடுவுல சம்பந்தமே இல்லமா கத்தி சாரி பாடி வச்சிருக்காப்புல. அஞ்சு வண்ணப்பூவே ஆறுதல். இறுதில அந்த விண்வெளி நாயகான்னு பில்டப் எதுக்கு? என்னமோ போடா மாதவா.
அதுல பாருங்க. படத்துல பிரமாதமா ஒரு டைலாக் வரும். கமல் சிம்புவை சந்தேகப்பட்டுருவாரு. சிம்பு கோச்சிப்பார். அப்போ நாசர் வந்து சமாதானப்படுத்தவாப்புல. 'டேய் என் தம்பி இப்டி தான். பந்தில உக்கார வச்சு இலை நிறைய வகை வகையா பரிமாறி ஓரத்துல பீயை தடவி விட்டுடுவான். நீ இத பெரிசா எடுத்துக்காத' அப்டினு சொல்லுவார்.
அதுமாதிரி பந்தில வகை வகையா பரிமாறுன மாதிரி எல்லாம் நல்லாருந்தும் ஓரத்துல இந்த கதையை தடவி விட்ருக்கார் நம்ம மணி.
கருத்துகள் இல்லை:
கருத்துரையிடுக