கொசு

 

பேச்சுலரா இருக்கும் போது சைதாப்பேட்டையில் தங்கி இருந்தோம். குட்டி குட்டியா வீடு இருந்துச்சு.  

பக்கத்து வீட்ல நண்பன். வீடுன்னு சொல்ல முடியாது ரூம்னு சொல்லலாம் கரெக்டா ஏழுக்கு ஆறுதான் ரூம் சைஸ். சைட்ல நாலு அடிக்கு ஆறு அடி. இதுதான் கிச்சன்.பெ ட்ரூம் அப்டின்லாம் தனியா எதுவும் கிடையாது.  

அன்னைக்கு ஈவினிங் வேலைக்கு போயிட்டு வந்து ரூமுக்குள்ள நுழையிறேன். ஜரூரா கொசுவலை கட்டிட்டு இருந்தாங்க. கொசு வலையோட நாலு கார்னரையும் எடுத்து ரூம்ல கிடைக்கிற இடங்கள்ல இருக்கிற ஆணில, ஜன்னல் கைப்பிடி, டிவி செல்ஃப் ஓரம் அப்படி இப்படினு ஒரு நாலு இடத்தில கட்டி வச்சிருந்தாங்க. 

என்னடா பண்ணிட்டு இருக்கீங்க அப்டினு கேட்டா, கொசு ஜாஸ்தியா இருக்கும். அதனால தான் இந்த ஏற்பாடு அப்டின்னான். இந்த கொசு வலைக்குள்ள போறதுக்கும் ஒரு டெக்னிக் இருக்கு அப்படின்னு சொன்னான். ஆஃபாயில மஞ்சக்கரு உடையாம வாய்க்குள்ள தள்ற மாதிரி இந்த வலைக்குள மின்னல் மாதிரி உள்ள நுழைஞ்சான். என்னடா குறளி வித்தைலாம் காமிக்கிற அப்டினு கேட்டா, யூ டோண்ட் நோ மேன். வெய்ட் அண்ட் சீன்னு சொன்னான்.  

அன்னைக்குதாம் முதராத்திரி. அந்த ரூமுல. எனக்கும் கொசுக்கும். இவனுங்க கிடக்குறானுங்க. நம்ம கேதான் டேபிள் பேன தலைமாட்டில வச்சி படுப்போம். எந்த கொசு என்ன பண்ணும்னு பாத்தா, அன்னைக்கு தான் தெரிஞ்சது இந்த கொசுவோட ரத்த வெறி. சும்மா சொல்லக்கூடாது. அப்டியே அலேக்கா தூக்கி நம்மள அடுத்த ரூம்ல போடுற லெவலுக்கு அவ்ளோ கொசு. கொய்யி கொய்யின்னு பிச்சிருச்சு. நெக்ஸ்ட் டே விடிஞ்சவுடன முத வேல கொசு வலை வாங்கினதுதான். 

உலகத்துலேயே அதிகமான சாவு இந்த கொசுனாலதான் அப்டினு ஒரு புள்ளிவிவரம் இருக்குது. அப்படிப்பட்ட கொசுவை சும்மா விடலாமா. பல சோதனைகளை அந்த கொசு மேல தொடுத்திருக்கேன். கடிச்சிட்ருக்க கொசுவை பூப்போல அடிச்சி அதை கொல்லாம கைல எடுத்துக்கிறது. சாம்பிராணி போட்டா அதுல கொசுவை பிடிச்சி போடுறது, குட் நைட் மேட் மேல கொசுவை பிடிச்சி உக்கார வைக்கிறது, யூஸ் பண்ண குட் நைட் மேட்டை எரிக்கும்போது அதுல வர புகைய கொசு மேல காமிக்கிறது, சென்ட் பாட்டிலை கொசு மேல அடிக்கிறது, இன்னும் காண்டாகி கொசுவை பிடிச்சு அதோட மூக்குல இருக்குற ஊசியை பிடிங்கி உக்கார வைக்கிறதுனு பல ரகங்கள். 

அந்த விட்ட குறை தொட்ட குறையா நேத்து ஒரு ஆராய்ச்சி. போன்ல மேக்ரோ மோட்ல ஒரு க்ளோஸ் அப். ஃபோட்டோ ஷூட் முடிச்சி அது மேல வெண்ணிய ஊத்திட்டேன். ஹிஹிஹி