சாதாரணமா ஒருத்தங்களுக்கு உதவி பண்ணா மறுக்கா அவங்க தேங்க்ஸ் சொல்லுவாங்க. இந்த பழக்கம் இப்போ உள்ள ஜெனரேஷன் கிட்ட ரொம்ப அருகின மாதிரி ஒரு பீல். "வீட்டுக்குள்ள இருக்கறவங்க கிட்ட தேங்க்ஸ் சொல்லுவோமா. ரொம்ப பார்மலா இருக்காது? அதே மாதிரி ஒரு க்ளோஸ் சர்க்யூட்ல இருக்கீங்க ப்ரோ", அப்டினு சொல்ல வராங்களா இல்ல 'டேக்கன் பார் க்ரேண்டட்' கேட்டகிரில வர்றோமானு தெரில. அவசரத்து பணம் வேணும் அப்டினு கேட்டவனுக்கு ஜிபே அனுப்புனாவோ, இந்த ப்ராடக்ட் வாங்கலாமான்னு கேக்குறவங்களுக்கு ஒரு ரிவியூ லிங்க் அனுப்புனாவோ, இன்னும் பல அனுப்புனாவோக்கு ரிப்லே வரதே கிடையாது. இன்னும் சில பேரு நாலு நாள் கழிச்சி மெசேஜ் பன்றான். பொழுதன்னிக்கும் கைல பிடிச்சி நசுக்கிட்டே இருக்கானுங்க. ஆனா பிசினு பீலா விட வேண்டிது. எட்டி பார்த்தா க்ளீனிங் வி லாகோ இல்ல மிட்நைட் பிரியாணி புட் ரிவியூவ பாத்துட்டு இருப்பானுங்க.
எது எப்டியோ. லாஸ்ட் வீக் சம்பவம் இது.
பின் வீட்டு பாட்டி ஒருத்தங்க. 60 இருக்கலாம். பக்கத்தில இருக்குற மண்டபம் சம்பந்தமா ஒரு டீட்டெய்ல் கேட்ருந்தாங்க. தெரிஞ்சதை விலாவரியா சொல்லிட்டு 'மேனேஜர் நம்பர் அனுப்புறேன். கேட்டுக்கோங்கன்னு' சொல்லிட்டேன். 'ஓகே. தேங்க்ஸ்' அப்டினு கையோட சொல்லிட்டு போய்ட்டாங்க.
உள்ள வந்து நம்பர் அனுப்பிச்சிட்டு, இந்த கல் எடுத்து எரிய கீழ குனிஞ்ச உடனே நாய் ஓடும்ல, அது மாதிரி ஆபிஸ் கிளம்பிப் போய்ட்டேன். கொஞ்சம் நேரம் கழிச்சி பாத்தா 'தேங்க்ஸ்'னு ஒரு மெசேஜ், பாட்டிகிட்டே இருந்து. அடேங்கப்பா. பக்கத்து வீட்டுக்கு கிண்ணத்துல ஏதாவது வச்சி கொடுத்தா சும்மா கொடுக்காம ஒரு கொய்யாப்பழமாவது போட்டு கொடுப்பாங்கல்ல. அந்த மாதிரி ஒரு ஜெனரேஷன் நம்மளோடது. இப்போல்லாம் கொய்யாவை விடுங்க. கிண்ணம் கூட திரும்பியே வரது இல்ல. யூஸ் அண்ட் த்ரோ கலாச்சாரம். வடிவேலு துபாய் ரிட்டன்ல டீ க்ளாஸ் உடைக்கிற மாதிரி ஆயிடுச்சு இப்போ உள்ள புள்ளீங்கோ.
நாம? அதான்
பேரு வச்சிருக்காங்களே. 'பூமர்ர்ர்ர்ர்ர்ர்'னு. :)
கருத்துகள் இல்லை:
கருத்துரையிடுக