பொதுவா நெகெட்டிவ் எண்டிங் படம் பாக்குறது கிடையாது. "அது படம் தான டா. அதுக்குள்ள என்னடா கனெக்ட் பண்ணிக்கிறீங்க?' அப்டினா, அப்டித்தான். நாங்கள்லாம் எமோஷனல் இடியட்ஸ் :)
முன்னொரு முறை டிவில போட்ட போது குணா படத்தை பாத்ததுண்டு. சின்னப்பிள்ளையா இருக்கும்போது பாத்தது. என்ன விளங்கியிருக்கும்? லூசு ஒருத்தன கடத்திட்டு போய் அப்புறம் தற்கொலை பண்ணிக்கும்ங்கற ரேஞ்சில தான் புரிதல்.
2024ல பாக்கும்போது மட்டும் விளங்கிடுச்சான்னு கேட்கக்கூடாது. அதே லூசு தான். அதே கடத்தல் தான். அதே தற்கொலை தான். ஆனா என்ன எமோஷனலா பிழிஞ்சி எடுத்துடுச்சு. சில பாயிண்ட்ஸ்.
1. படம் முழுக்க கமல் தான். 'இந்த பாரு என்னோட ஆக்டிங் ஸ்கில்ஸ்' அப்படிங்கற தொணில சும்மா அள்ளி தெளிச்சிருக்காரு. அவருக்கு நிகர் அவர் தான். பாத்துட்டே இருக்கலாம். அந்த அழுகையெல்லாம் அடடா. பல்கலைக்கழகம். இதுக்கு மேல என்னத்த சொல்ல .
2. ராஜா ராஜா தான். 'கண்மணி' பாட்ட வச்சி 2024ல ஒரு படமே எடுத்துட்டாங்க. கதையோட ஓட்டத்துக்கு ஏத்த bgm. முக்கியமா க்ளைமாக்ஸ். அவரை பத்தி சொல்ல வேற என்ன. உங்களுக்கே தெரியும்.
3. கதை திரைக்கதை எழுதுனவர் சப் ஜான் அப்படிங்கற ஒரு மலையாளி. குணா அவரோட முதல் தமிழ் படம். ரொம்ப நாள் கழிச்சு சில்லுனு ஒரு காதல்ல ரிட்டர்ன் வந்தார்.
4. படம் குணா அப்டிங்கற பைத்தியத்தை பத்தி தான்னாலும் பல இடங்கள்ல குணா பைத்தியமா? இல்ல மத்த எல்லாரும் (நம்மளையும் சேத்தி) பைத்தியமா? அப்படிங்கற ஒரு சந்தேகம் வருது. குணா தெளிவா தான் இருக்குறாரு. எந்த ஒரு உயிருக்கும் மனசாலையோ உடல் மூலமாவோ துன்பம் கொடுக்குறது கிடையாது (ஒரு exception. அபிராமி).
5. டாக்டரோட பேசுற டையலாகஸ் ஆகட்டும், குகைல ரோஹிணியோட பேசுற வசனங்களாகட்டும் அவ்ளோ அர்த்த புஷ்டி. முக்கியமா சவரம் பண்ணும்போது சிவாஜி கூட பேசுவார் பாருங்க. ஆர்.எஸ்.சிவாஜியும் சந்தான பாரதியும் சகோதரர்கள் என்பது கொசுறு தகவல்.
6. ஹைதெராபாத் கதைக்களம் அமைச்சதுக்கான காரணம் விளங்க வில்லை. தமிழ்நாட்டுக்குள்ள ஒரு புல் டைம் பிராத்தலா, படம் ஓடாது அப்டினு நினைச்சிட்டு கூட மாத்திருக்கலாம். ரேகா கொஞ்சம் டம்மி பண்ண மாதிரி இருந்துச்சு. முந்தானை நழுவினாலும் கமல், 'ம்ஹும், யூ ஆர் நாட் மை அபிராமி'ன்னு தூங்கிருவார்.
7. ஆரம்பத்துல லட்சுமி பொண்ணு ஐஸ்வர்யாவையும், சிவரஞ்சனியையும் 'அபிராமி' கேரக்டருக்கு யோசிச்சிருக்காங்க. அவங்க கால் சீட் கிடைக்காததுனால 'ரோகினி' நடிச்சிருக்காப்புல. மும்பை மாடல். 2024க்கும் கொள்ளை அழகா தெரியுதுனா 1991ல நம்ம குணா வெறியன்ஸ் பைத்தியமா திரிஞ்சிருப்பாங்க போல. ஆனா ஒரே படம் தான். சிட்டா பறந்து US போய்ட்டாங்கனு சொல்றாங்க. இப்போ வரைக்கும் எங்க இருக்கறாங்கன்னு தெரில. அபிராமியே மனசு வச்சி காட்சி கொடுத்தாத்தான் உண்டு.
8. ஒரே ஒரு நெருடல். பொண்ணோட சம்மதம் இல்லாம தூக்கிட்டு வந்து காதல் பண்றது மட்டும் ஒத்துக்க முடியலை. ரோஹிணி, அதுபாட்டுக்கு கோயில்ல லட்டு கொடுத்துட்டு போயிட்ருக்கு. அதை தூக்கிட்டு வந்து ரெண்டு மூணு நாள் பாடாபடுத்தி, சந்தர்ப்ப சூழ்நிலையால கடத்திட்டு வந்த குணாவை லவ் பண்ண வச்சி, 'வாட் இஸ் திஸ் கமல் அண்ட் கோ?'. அப்பா சரியில்லாததுனால அம்மா தொழிலுக்கு வந்து அதனால பாதிக்கப்பட்டு, அந்த அபிராமி மட்டும் தான் புனிதம்னு நினைக்கிற ஒரு மனநிலை பிறழ்வு உள்ள ஒரு மனுஷன், அவருக்கு பிடிச்ச ஒரு பொண்ணு வந்த உடனே 'ஏலே எடுறா வண்டியைங்கற' ரேஞ்சுல அந்த பொண்ணை தூக்கிட்டு போய் 'அபிராமி, அபிராமி'னு லவ் பண்ணா சரி ஆயிடுமா?. இந்த படத்தை பார்த்துட்டு எத்தனை பேரு சந்துபொந்துலேந்து பக்கத்துத் தெரு அபிராமியை தூக்கினங்களோ தெரியலை. அடிப்படையே நெருடலா இருக்கு. நெருடல் என்ன நெருடல். தப்புன்னே சொல்லலாம். ஆனா அந்த நெருடலை வசனம், ராஜா இசை, ரோகினி அழகு அப்புறம் கமல் நடிப்புல மழுங்கடிச்சுட்டாங்க. இதைத்தான் சினிமாவோட மேஜிக்னு சொல்லணும். அந்த காதல் கடைசில புனிதம் ஆயிடுச்சு. ரொம்ப கேள்வி கேட்டா என்னனு யோசிச்சு 'அதையும் தாண்டி புனிதமானது'னு ஆக்கிட்டாங்க.
9. தூக்கிட்டு வராம கூட்டிட்டு வந்திருந்தா குணாவோட லவ் தான் இதுவரை வந்த காதல்லேயே புனிதம்னு சொல்லலாம். ஆனா குணாவோட மனசு சுத்தம் தான். அந்த மனசுக்குத் தெரிஞ்ச வழி அது ஒன்னு தான். அதனாலதான் ரோகினி குணா மேல அவ்ளோ பைத்தியம் ஆயிடுது. மனிதர் உணர்ந்து கொள்ள இது மனிதக்காதல் அல்ல தான்.
10. பாசிட்டிவ் க்ளைமேக்ஸ் வச்சிருந்தா,
குணாவோட ரோஹிணி
எப்படி குடும்பம் நடத்த முடியுங்கற கேள்வி வரலாம். முக்கியமா இந்த நெகட்டிவ்
க்ளைமேக்ஸ் தான் குணாவுக்கு அப்படி ஒரு கல்ட் ஸ்டேட்டஸ் கொடுத்திருக்கு. இறந்து
போன ரோஹிணியோட தானும் குதிச்சிடுறார். ரோகிணியும் சினி பீல்டுலேந்து காலி. ஏதும்
குறியீடா நினைச்சி கமல் இந்த கிளைமேக்ஸை வச்சாரான்னு தெரில.
எது எப்படியிருந்தாலும் லவ் பண்ணா அப்படி உயிரை கொடுத்து பைத்தியமா லவ் பண்ணனும்.
அபிராமி, அபிராமி, அபிராமி.
#gunamovie #KamalHaasan #GUNA1991
கருத்துகள் இல்லை:
கருத்துரையிடுக