டீடோட்டலர் ஹீரோவுக்கு எதாவது ஜங்க் food சாப்பிட்டாலே போதை தலைக்கேறிவிடும் ABS நோய். அதாவது ஆட்டோ ப்ருவரி சின்ரோம். இந்த சுவாரஸ்யமான ஒன் லைனர் பிடித்து திரைக்கதை அமைத்திருக்கிறார்கள். வேலை பார்த்துக்கொண்டிருக்கும்போதே போதை தலைக்கேறிவிட 100 ரூபாய் நோட்டுக்கு பதில் 500 ரூபாய் நோட்டுக்களை நிரப்பிவிடுகிறார். அதனால் ஏற்படும் பிரச்சினைகள் அதில் இருந்து மீண்டாரா எனபது தான் படம்.
ஹீரோ புதுமுகம். முதல் பாதி முழுவதும் பிரெஷ்ஷான காட்சிகள். மனோஜ் பாரதிராஜா ஏன் ஹீரோவுக்கு அப்பாவாக நடிக்க வேண்டும் என்று யோசித்து கொண்டிருந்தேன். படம் பார்த்த பிறகு தேடி பார்த்ததில் தான் தெரிகிறது அவர் சுரேஷ் சக்கிரவர்த்தி என்று. அவ்வளவு உருவ ஒற்றுமை. ஒரு சில இடங்களில் மிகை நடிப்பு என்றாலும் படம் முழுவது கலகலப்பாக்குவது இவர்தான். என்னா அலப்பறை. பிள்ளை இருக்கும் வீட்டிலும் துள்ளி குதிக்கிறார். வீடு இருக்கும் இடம் 'அரியவன்' படத்தில் வரும் அதே காம்பவுண்ட் வீடு.
தெளிவான ஓட்டத்தில் இருந்த முதல் பாதியை முட்டுச்சந்துக்குள் சென்று மோத வைப்பது இரண்டாம் பாதி தான். தடம் புரண்ட ரயில் போல் கதை பயணிக்கிறது. இருந்தும் சில சுவாரஸ்யமான பாத்திரங்கள் மூலம் இறுக்கி பிடிக்கிறார். எப்பொழுதுமே கதை எழுதும் ஒரு அடியாள், பாவாடை பையன், திருமண கலாட்டா என கொஞ்சம் கலகலப்பு எட்டிப்பார்க்கிறது.
மிக முக்கியமாக சொல்லவேண்டிய விஷயம் ABS நோய் தாக்கும்போதெல்லாம் வரும் BGM. இன்றைய இளசுக்களுக்கான perfect காலர் ட்யூன்.
ஒரு சண்டே மதியம் பார்க்கலாம்.
கருத்துகள் இல்லை:
கருத்துரையிடுக