இரண்டுமே நாகர்ஜுனா படம்.
புனே ஜேர்மன் பேக்கரி குண்டு வெடிப்பு, ஹைதராபாத் தொடர் குண்டு வெடிப்பு மற்றும் சில துர்சம்பவங்கள் தொடர்பான தீவிரவாதியை பிடிக்கும் கதை தான் வைல்ட் டாக். கிட்டத்தட்ட உண்மைக்கு அருகிலேயே படத்தை எடுத்துள்ளதினால் உறுத்தவில்லை. ஆரம்பம் முதல் இறுதி வரை பரபரப்பு தான். முதல் காட்சியிலிருந்தே கதைக்குள் வந்துவிடுகிறார்கள். பாடல் கிடையாது. கதை பல இடங்களில் பயணிப்பதால் லொகேஷனுக்கு பஞ்சமில்லை. பிரெஷாக இருக்கிறது. இறுதியில் கொஞ்சம் சொதசொதவென்று இருந்தாலும் தாராளமாக பார்க்கலாம். ஆறு கோடியில் படத்தை எடுத்திருக்கிறாரக்ள் என்பது ஆச்சர்யம் தான்.
Ghost படமும் இதே ரகம் தான். என்ன? wild dog படத்தில் ஒரு பொறுப்பான நார்கோடிக் அதிகாரியாக வருகிறார். ஆனால் Ghost படத்தில் freelancer டைப். செம ஸ்டைலிஷ் டைப் மூவி. முதல் காட்சியிலிருந்தே அதகளம். துப்பாக்கி வெடிப்பதென்ன தோட்டாக்கள் பறப்பதென்ன. லாஜிக் மீறல்கள் அதிகம். இருந்தாலும் விசுவல் ட்ரீட் தான். இறுதி காட்சியில் பாகுபலி படத்தையே மிஞ்சும் அளவுக்கு வாள் வீச்சு. தலை உடல் என எல்லாமே இரண்டு துண்டங்களாகி ரத்தம் தெறிக்க விழுகின்றன. துபாய், ஊட்டி என படக்காட்சிகள் கண்களுக்கு விருந்து.
இரண்டு படத்திலுமே மிகவும் ரசித்தது நாகர்ஜூனாவைத்தான். 63 வயசு. நம்பவே முடியவில்லை. இன்றைய சினிமா உலகில் 63 வயதிலும் விக் இல்லாமல் நடிக்கும் ஒரே இளைஞன் நாகர்ஜூனா தான். ஓடுகிறார். மலையில் உருண்டு தலைகுப்புற விழுந்து சண்டை போடுகிறார். கூலர்ஸ் கோட் சகிதம் செம ஸ்மார்ட்டாக இருக்கிறார். இந்த வயதிலும் ஒரு லிப் லாக் சீன். அடேங்கப்பா. பார்க்கும் நமக்கு கூட உறுத்தல் இல்லை. அவ்வளவு இளமையாக இருக்கிறார். சிவா படத்தில், கீதாஞ்சலி படத்தில் நாகர்ஜுனா எப்படி இருந்தாரோ அதே போல் தான் இப்பவும் இருக்கிறார். உண்மையான மார்க்கண்டேயர் !!!
இரண்டுமே ஸ்டைலிஷான படங்கள். கூடவே நாகர்ஜூனாவின் இளமைக்காக சார்மிங் லுக்குக்காக தாராளமாகப் பார்க்கலாம்.
கருத்துகள் இல்லை:
கருத்துரையிடுக